Dentro do programa da Feira de NaturCambados, o vindeiro 11 de xullo ás 19:00 no Paseo da Calzada de Cambados, participaremos como «Escola saludable» cunha charla coloquio titulada «Maís saúde e menos pantallas» que versará sobre o proceso hiperdixitalizador actual na infancia e adolescencia dentro e fóra da escola e as recomendacións actuais de paneis de persoas expertas e sociedades científicas. Contará como relator a Xulio Carmona, enfermeiro en saúde mental e coordinador da campaña.
Entre as recomendacións,
- Informarase dos consellos da Asociación Española de Pediatría sobre os tempos máximos de exposición a pantallas (cero pantallas áta os seis anos, menos de 1 h. ao día de 7 a 12 anos e menos de 2 h), así como desescalar a dixitalización en todos os ámbitos educativos para ensinar en competencias dixitais… sen pantallas.
- A importancia de establecer Pactos de familia para atrasar a entrega de dispositivos tipo smartphone as nosas fillas e fillos, como os recomendados por Adolescencia Libre de Móbiles.
Facilitarase igualmente guías da campaña (Medrar de forma saudábel nun mundo dixital), a Guía ilustrada de Kiko da Silva (Medrar con pantallas non é igual a progreso) e orientacións prácticas para as familias (smartphone e adolescencia, e primeira infancia e pantallas).
