{"id":5116,"date":"2022-05-05T23:28:28","date_gmt":"2022-05-05T21:28:28","guid":{"rendered":"https:\/\/escuelasaludable.org\/?p=5116"},"modified":"2024-10-14T00:30:27","modified_gmt":"2024-10-13T22:30:27","slug":"ecoloxistas-en-accion-e-a-federacion-de-anpas-de-redondela-presentan-a-campana-escola-saudabel","status":"publish","type":"post","link":"https:\/\/escuelasaludable.org\/?p=5116","title":{"rendered":"Ecoloxistas en Acci\u00f3n e a Federaci\u00f3n de ANPAS de Redondela presentan a campa\u00f1a escola saud\u00e1bel"},"content":{"rendered":"

\u201cEscola saud\u00e1bel, Internet s\u00f3 por cable\u201d: campa\u00f1a de educaci\u00f3n socio-ambiental e para \u00e1 sa\u00fade no uso dos medios dixitais, lanzada dende Ecoloxistas en Acci\u00f3n.<\/strong><\/h4>\n

Campa\u00f1a presentada en Redondela o 5 de maio de 2022, na Casa da Cultura de Redondela, organizado pola Federaci\u00f3n de ANPAS de Redondela e Ecoloxistas en Acci\u00f3n.<\/strong><\/p>\n

\n

A actual 4\u00aa revoluci\u00f3n industrial, public\u00edtase, como \u201cverde e dixital\u201d, inocua, inmaterial e sost\u00edbel. Esta campa\u00f1a escolar responde \u00e1s necesidades de identificar e aminorar as distintas problem\u00e1ticas da dixitalizaci\u00f3n na educaci\u00f3n e na vida coti\u00e1, dende a exposici\u00f3n \u00e1s radiofrecuencias (dentro e fora das aulas), a profunda pegada ambiental da contaminaci\u00f3n dixital (enerx\u00e9tica e clim\u00e1tica, e as derivadas do extractivismo mineiro e o lixo tecnol\u00f3xico), as\u00ed como das s\u00faas problem\u00e1ticas asociadas (dependencia tecnol\u00f3xica e adicci\u00f3ns, obsolescencia tecnol\u00f3xica e hiperconsumismo, big data e control social, \u2026).<\/p>\n<\/blockquote>\n

Este proxecto educativo en creaci\u00f3n, est\u00e1 aberto \u00e1 participaci\u00f3n dos axentes implicados (nais e pais, profesorado, alumnado) en todas as etapas educativas, As\u00e9ntase nas numerosas alertas, recomendaci\u00f3ns e normas bio-sost\u00edbeis do \u00e1mbito cient\u00edfico, profesional e institucional que abren reflexi\u00f3ns sobre as pautas dun uso sobrio, adecuado \u00e1 idade e biosost\u00edbel dos medios dixitais.<\/p>\n

Alg\u00fans dos porqu\u00e9s da campa\u00f1a:<\/p>\n

Pola maior vulnerabilidade da infancia e a xuventude<\/strong><\/p>\n

As alertas temper\u00e1s emitidas desde \u00e1mbitos institucionais, cient\u00edficos e profesionais sobre a maior vulnerabilidade infanto-xuvenil son unha constante desde fai d\u00e9cadas. Ref\u00edrense aos riscos para a s\u00faa sa\u00fade da exposici\u00f3n precoz e constante aos campos electromagn\u00e9ticos, aos impactos do uso precoz e abusivo das pantallas no seu desenvolvemento neurol\u00f3xico e cerebral, as\u00ed como na adquisici\u00f3n de condutas adictivas (redes, xogos, apostas, pornograf\u00eda, …) e as s\u00faas problem\u00e1ticas vinculadas, como o acoso cibern\u00e9tico. Nenas e nenos, mozas e mozos est\u00e1n na diana das empresas tecnol\u00f3xicas, para captar e fidelizar o seu consumo a trav\u00e9s de estratexias de seduci\u00f3n xamais co\u00f1ecidas.<\/p>\n

Polos seus efectos sobre o ambiente e o clima<\/strong><\/p>\n

Son moitas as alertas cient\u00edficas de que este proceso de hiperdixitalizaci\u00f3n, lonxe de ser \u201cinmaterial\u201d ou \u201cverde\u201d, \u00e9 profundamente enerx\u00edvoro coa s\u00faa afectaci\u00f3n clim\u00e1tica (incremento das emisi\u00f3ns de gases de efecto invernadoiro), necesita de metais e minerais cun agresivo incremento do extractivismo e a xeraci\u00f3n de residuos t\u00f3xicos nos procesos de elaboraci\u00f3n dos seus compo\u00f1entes e dispositivos, altera o espazo co seu masivo lanzamento de sat\u00e9lites alertado por astr\u00f3logos e meteor\u00f3logos, as\u00ed como incrementa exponencialmente o lixo terrestre e espacial acumulado e a perda da bio-diversidade, \u2026<\/p>\n

Polo seu control social en detrimento da privacidade e os dereitos dixitais<\/strong><\/p>\n

As GAFAM (Google, Amazon, Facebook, Apple e Microsoft) controlan as comunicaci\u00f3ns da gran maior\u00eda da poboaci\u00f3n, po\u00f1endo a s\u00faa informaci\u00f3n ao servizo de fins de dubidosa utilidade social. A previsi\u00f3n de mill\u00f3ns de obxectos conectados ao 5G e o seu internet das cousas agravar\u00e1n esta captura desregulada de datos que, m\u00e1is a intelixencia artificial, o big data e o reco\u00f1ecemento facial, posibilitar\u00e1 claves predictivas de control social, monitorizando ao individuo durante toda a s\u00faa vida.<\/p>\n

Ver pdf<\/a> de la convocatoria.<\/strong><\/p>\nRedondela.05.05.2022<\/a>\n