{"id":4167,"date":"2024-01-07T19:54:55","date_gmt":"2024-01-07T18:54:55","guid":{"rendered":"https:\/\/escuelasaludable.org\/?p=4167"},"modified":"2024-12-31T10:59:28","modified_gmt":"2024-12-31T09:59:28","slug":"charla-coloquio-18-de-xaneiro-24-ceip-apostolo-santiago-santiago-de-compostela","status":"publish","type":"post","link":"https:\/\/escuelasaludable.org\/?p=4167","title":{"rendered":"Charla-Coloquio 18 de xaneiro\/24. CEIP Ap\u00f3stolo Santiago. Santiago de Compostela"},"content":{"rendered":"

\"\"<\/a><\/h4>\n

Nais e Pais do CEIP Ap\u00f3stolo Santiago organizaron unha charla-coloquio sobre o uso de medios dixitais no eido familiar e do ensino en colaboraci\u00f3n coa Plataforma galega de familias \u00abAdolescentes libres de smartphones\u00bb e Ecoloxistas en Acci\u00f3n.
\n<\/strong><\/h4>\n

Presentouse a\u00a0<\/strong>gu\u00eda para nais, pais e docentes<\/a><\/strong>, elaborada no \u00e1mbito de Ecoloxistas en Acci\u00f3n, coas alertas cient\u00edficas e expertas sobre as diferentes problem\u00e1ticas reco\u00f1ecidas deste proceso hiperdixitalizador do proceso educativo e da sociedade nos eidos da sa\u00fade, aprendizaxe, ambiental e social.<\/strong><\/h4>\n

Mostr\u00e1ronse <\/strong>as achegas e normas do \u00e1mbito cient\u00edfico, profesional e institucional cara a un uso dos medios dixitais que atenda a idade e situaci\u00f3n de maior vulnerabilidade de nenas, nenos e rapazada (aplazando\/limitando a s\u00faa introduci\u00f3n), cara a formar persoas que afronten o uso desta tecnolox\u00eda de forma sobria, biocompat\u00edbel, sost\u00edbel, \u00e9tica e cr\u00edtica.<\/strong><\/h4>\n

Esta charla-coloquio do 18 de xaneiro, no CEIP Ap\u00f3stolo Santiago, pretende abrir unha reflexi\u00f3n na s\u00faa comunidade educativa sobre unha revoluci\u00f3n dixital publicitada como \u201cverde\u201d, inocua, inmaterial, sost\u00edbel e imprescind\u00edbel.<\/p>\n

Como relator estivo Xulio Carmona coordinador da campa\u00f1a \u00abescuela saludable\u00bb de Ecoloxistas en Acci\u00f3n e da s\u00faa gu\u00eda escolar \u00abMedrar de forma saud\u00e1bel nun mundo dixital<\/a>\u00bb que se repartiu durante no acto.<\/p>\n

Identific\u00e1ronse alguns dos distintos mitos tecnol\u00f3xicos instaurados nun proceso desregulado de hiperdixitalizaci\u00f3n. \u00a0Mostrouse o co\u00f1ecemento cient\u00edfico actual sobre as consecuencias negativas co\u00f1ecidas do tempo de uso de pantallas e do seu inicio precoz, asociados a alteraci\u00f3ns da sa\u00fade mental e f\u00edsica, as\u00ed como as s\u00faas implicaci\u00f3ns negativas no desenvolvemento cerebral e do \u00e1mbito acad\u00e9mico e da aprendizaxe.<\/p>\n

Abordouse igualmente a \u201cpresencia importante\u201d en \u201cidades temper\u00e1s\u201d de condutas aditivas relacionadas coas TIC. Deuse vox \u00e1s persoas expertas que alertan e denuncian t\u00e1cticas adict\u00f3xenas deliberadas e profusamente aplicadas pola industria dixital, denunciadas ante tribunais norteamericanos por asociaci\u00f3ns de nais, pais e persoas afectadas. Denuncias actualmente apoiadas por fiscais de 42 estados distintos de Norte Am\u00e9rica, contra META (Facebook, Instagram) por po\u00f1er en risco a sa\u00fade mental de nenas, nenos e rapazada, de forma premeditada.<\/p>\n

Deuse visibilidade aos inasum\u00edbeis costes das tecnolox\u00edas dixitais pola s\u00faa pegada ambiental e clim\u00e1tica e pola perda de privacidade e o control social, como a denunciada por organizaci\u00f3ns de dereitos humanos pola captaci\u00f3n xeneralizada de datos do alumnado.<\/p>\n

Debateuse sobre os distintos exemplos e alternativas de medidas proteccionistas que se est\u00e1n levando na actualidade para evitar a distracci\u00f3n dixital e mellorar a atenci\u00f3n na aula, as\u00ed como das distintas experiencias de nais e pais cara a evitar a presi\u00f3n social dunha introduci\u00f3n precoz e \u2018disruptiva\u2019 da tecnolox\u00eda dixital en menores, e das s\u00faas alianzas cos equipos docentes dos centros de ensino.
\n<\/strong><\/p>\n